مساء الخير يا حلوات

هذا أول بوست في المدونة. وايد قعدت أفكر احطه عن ايش و قررت ابدأت بالأساسيات..
بتكلم عن أساسات كريم الأساس  أو Primers
خلونا نعرف أول شي شنو هما الأساسيات؟؟

أساسيات كريم الأساس هم مستحضرات تستخدم قبل مد كريم الأساس و ظيفتها تحضير البشرة لاستقبال كريم الأساس.. كترطيب و سهولة مد و توزيع الأساسو تحمي البشرة من آثار كريمات الأساس..

بعض الأساسيات يكون لها أغراض ثانية بالأضافة لما سبق و تصحيح اللون و بعضها تعطي نضارة و اضاءة للبشرة و بعضها يخفي المسام و بعضها ممكن يكون واقي شمس ايضا.

هالموضوع يتكلم عن نوع واحد منهم اللي هو يستخدم كواقي شمس. كثيرات ما يحطون واقي شمس بطلعة النهار و هذا أكبر و أشنع غلطة يتركبونها في حق بشرتهم.. الشمس ما بس تسمرهم ممكن تسبب كلف و حروق و تعرضكم لأشعاعات  ضارة مثل الأشعة فوق البنفسجية اللي هي المسؤولة الرئيسية عن التجاعيد المبكرة و سرطان الجلد لا سمح اللهUVA ..UVB..

واقي الشمس ضروري ضروري للطلعة في الفترة النهارية حتى اذا الجو مغيم و لا يمطر لازم واقي الشمس ينحط.. صحيح مافي شمس بس الاشعاعات موجودة و تخترق السحب و تاثيرها السيء موجود و نفس الشي فترة  العصر لازم ينحط الواقي. في بعض الشركات عندهم واقي لمنطقة العين و واقي للشفايف و واقي لليدين.. هذا الشي راجع لكم اذا تحبون تستخدمونهم.

استخدمت وايد أنواع من واقي الشمس على مدى سنوات.. أغلبها ما ارتحت له لأنها كانت تدهن وجهي بعد فترة.. مثل كلينك و نيتروجينا و شيسيدو و غيرهم..

لحد ما تعرفت على UV Prime from Makeup For Ever
أحلي واقي في العالم.. لونه أبيض و قوامه كريمي بس يندمج مع البشرة و ما يترك لون عليها..
و تظل بشرتي معاه بدون ما تدهن..هذا أهم شي عندي
الفلتر اللي فيه SPF 50..
 Sun Protection Factor..SPF للي ما يعرف ايش هو
هو عامل الحماية من الشمس . اذا الواقي مكتوب عليه 15 فالمفروض يحمي من الشمس مدة 150 دقيقة
اذا مكتوب عليه 30 فيحمي 300 دقيقة مع ذلك اطباء الجلد ينصحوا ترجعي تحطي الواقي كل ساعتين..

لونه ابيض و قوامه كريمي نوعا ما بس لما يندمج مع البشرة ما بترك أي لون

آتمنى تستفيدوا من هالبوست .. أشوفكم في بوست ثاني

مع محبتي

صفاء