مساءكم الله بالخير و البركة
اليوم مثل ما وعدتكم علي الانستجرام أني راح أحط موضوع عن مجموعتي من الأحمر شفاه اللي باللون الأحمر
عندي خمسة أرواج من ماركات مختلفة و الفنيشنج مالهم مختلف
بتكلم عن مميزات كل واحد و عيوبه ان وجدت
هذول هم حبايبي
عدا مل شانيل سقط سهوا من الصورة هذول أرقامهم
أول واحد بتكلم عنه من مارك جاكوب
Marc Jacob
من الماركات الجديدة في عالم التجميل
بس كل اللي جربته منهم حبيته
بتكلم عن المنتجات الثانية منهم في موضوع ثاني
اسم الروج و رقمه
132 Saboteur
اللون أقرب للبرغندي بس علي الشفايف في لمسة من الاحمرار
ما أعرف كيف أوصف
في لمعة خفيفة
ترطيبه حلو و بجد اللون رهيب رهيب ع الشفايف خاصة مع مكياج عيون سموكي
ما حطيته ع الشفايف فترة طويلة عشان أحكم على ثباته
الاثنين الثانيين من شانيل
شانيل و ما أدراك ما شانيل
الروج هذا اسمه و رقمه
خبرتكم في موضوع الأرواج عن روج نفس لون و اسم المناكير
هذا هو
لونه أحمر بس على سحنة وردية
لون جميل و مميز
طبعا شانيل أرواجهم غنية بالألوان و ترطيبها عالي و ثباتها وسط
يعني بتظل ع الشفايف مثل ما هي بس اذا أكلتي أو شربتي ممكن يطير
و الثاني اللي مثل الغلوس هذا روج سائل
رقمه75
هذا الله يسلمكم لونه أحمر حقيقي
في لمعة بلاستيك
و ثباته حلو
عجيب عجيب اللون
بس ما أعتقد أن هالأروج موجودة لأني ما عدت أشوفهم بالكاونتر
الظاهر كانوا لفترة محدودة
بس الألوان كانت رهيبة و عندي بعد روج برتقالي أحمر
ندمت أني ما خذيت أكثر منهم
الروج الرابع من
Too Faced
اسم الروج
Melted Ruby
هذا لونه بالضبط نفس لون روج شانيل السايل اللي فوق بس الفرق
أن هذا لما يجف الفينيش ماله يكون مطفي و مل شانيل يظل يلمع
في المقابل هذا ثباته لا يعلى عليه
حتى لو أكلتي و شربتي يظل مثل ما هو و تحتاجي مزيل ميكب حتى تشيليه
هالماركة بعد من الماركات اللي كثير من شغلاتهم عجيبة بس ما أشوف مدح كبير عليها من الماكيرات العرب
آخر روج من
Revlon
اسمه
Lip Butter :Red Velvet 40
هذا ترطيبه من اسمه زبدة
كأنه كريم بس اللون أحمر شفاف يعني ما في غنى و لا قوة باللون
لمعته مثل الماي
بس مافي ثبات كلش كلش
ما حبيته تبون الصراحة عشان ثباته و شفافية اللون
بس بيعجب اللي يحبون الألوان الغلوسية و الفاتحة
و بس خلصت حمى الأحمر
يا ترى الدور على أي لون؟!
و هذا خلص موضوعنا لليوم و ان شاء الله يكون عجبكم
مع تحيتي
صفاء
