مساء/صباح السعادة
اليوم بكلمكم عن زيت للوجه من Guerlaine
اسمه
Abeille Royale
Face Treatment Oil
هالزيت هدفه في الحياة شد البشرة و تونر للوجه بحيث يقلل من حجم المسام
البنت اللي تبيع بغرلاين جلست تقنعني بفوايده و أنا عمري ما اشتريت من منتجات العناية من غرلاين ..
أحسهم تجاريين و غاليين ع الفاضي مو من تجربة بس اعتقاد ما أدري من وين جاي!!
المهم خذيته كتجربه وقتها كان الشتاء بادي و بشرتي بالجو البارد في أماكن تتقشر بشكل خفيف بعد فترة حتى لو حاطة بيس و مرطب ثقيل..يمكن لأني مهملة بشرب الماي
استخدمته مرتين باليوم لأكثر من شهرين ..قطرتين ما تحتاجين أكثر على ايدج و تدعكيهم و توزعيه على الوجه و كم حركة للشد موجودة في التعليمات للأسف رميت الورقة اللي فيهم الصور
و النتيجة و لا يوم حصلت قشور أو حسيت بجفاف طول فترة الشتاء
حبيت الزيت بقوة بقوة
و على فكرة البشرة تمتصه بسرعة يعني ما تحسي البشرة مزيتة معاه
بس لما بدأ الجو يحر لاحظت لأن بشرتي تصير دهنية على الصيف أنها تدهن بسرعة بعد كم ساعة من وضع المكياج
صرت ما أحطه قبل المكياج .. أحطه في أوقات ما ناوية على الطلعة فيهم
و بالفعل ما عادت تدهن بسرعة
هذا من ناحية الترطيب أما من ناحية الشد فصرت أحس أن بشرتي صارت فيها نظارة و مشدودة أكثر بس النتيجة تاخذ وقت ليما تظهر
أما كتونر و تقليل حجم المسام و من هالخرابيط ما شفت هالشي بصراحة
كالعادة ما أذكر الأسعار»» حالة ميؤوس منها
هل برجع أشتريه اي نعم بشتريه حبيت ترطيبه و شده للبشرة و أنصحكم بتجربته
أشوفكم على خير
صفاء
I have an oily t-zone and super dry everything else. And it's true, still peels even if I use a moisturizer. Will definitely try this one out 👍
ReplyDeleteYour skin like mine combination one. Try it and inshallah you will love it.
Deleteتقييم حلو .... نادر تحصلي زيت خفيف للبشره بالذات فالشتاء
ReplyDeleteتسلمين حياتي على التعليق و التشجيع.
Deleteآي والله صعب تلقين زيت خفيف