ماسكرا Eyes To Kill من جورجيو أرماني

صباح/مساء الفل حبايبي

المعذرة غبت عنكم لفترة طويلة .. انشغلت بشهر رمضان و العيد

اليوم بنتكلم عن ماسكارتي المفضلة

اسمها Eyes To Kill from Giorgio Armani

ما أبالغ اذا أقولكم أني في السنة أجرب 10 -15 نوع من الماسكرا 

طبعا الماسكارات أنواع

نوع مكثف (volume)

نوع يطول (lengthening)

نوع يقوس (curling)

بعض الماسكارات تسوي كذا شي و في ماسكارات تسوي كل هذول

في أنواع مضادة للماي و في أنواع لا

ما أنصح بالنوع المقاوم للماي لاني من تجربة شفتهم يضعفوا الرموش و يخلوها تتساقط

كثيرين يظنوا أن أهم شي بالماسكارا هي فرشاتها و تركيبة أو 

formula 

نفس الشي..بس هذا اعتقاد خاطئ .. التركيبة  تختلف..خاصة اذا شعر الرموش عندك ناعم و جاي بخط مستقيم

البعض عنده شعر الرموش غليظ و مقوس بالفطرة و هذول  ما لازم التركيبة تكون قوية و تحتفظ بتقوس الرمش

أنا من الناس اللي رموشي ناعمة و جاية بخط مستقيم ..بعض الرموش بعد كم ساعة ترجع رموشي  لخط مستقيم

قليل هي الماسكارات اللي ارجع أشتريهم مرة ثانية لهالسبب بالتحديد..

و يهمني بالماسكارا أنها تقوس و تكثف.. الطول ما واجد مهم

بس كل وحدة تشوف شنو ناقص برموشها الطبيعية و تختار الماسكارا المناسبة على أساسها

هالماسكرا اللي بنتكلم عنها للتكثيف و التطويل

بس من استخدامها تعطي تقوس جميل و يدوم لساعات

الفرشاة طويلة و شعراتها قصيرة..

طبعا التركيبة مل الماسكارا تغيرت مؤخرا و معاها شكل الفرشاة

الفرشاة بالأول كانت أقصر و فيها تقوس الحين جاية مستقيمة

تبون الصراحة الأولانية كانت أفضل بس هذي بعد حلوة

 كلما تخلص أرد أشتريها 

تنشف بسرعة يعني مافي تلطيخ و تخبيص

في ثلاث أنواع ثانية انتبهوا كلها بنفس الاسم و السعر بس الألوان تختلف

وحدة للطول بس و الثانية مضادة للماي

و الثالثة جديدة تجي بألوان غير أسود

هذي ماخذة جائزة من مجلة

 Allure

سنه 2012

كأفضل ماسكارا

سعرها بالموقع 32 دولار أمريكي يعني حدود ال12 ريال عماني

بس تستاهل كل بيسة فيها

جربوها موجودة في دبي في باريس غالري 

بالأيام الجاية بكلمكم عن ماسكارات ثانية ان شاء الله

أشوفكم على خير

صفاء