السلام عليكم
موضوع اليوم بيكون صغنون و خفيف عن باليته الكونتور و الإضاءة
Shade + Light Face Contour Palette
من ماركة
Kat Von D
مؤسسة الماركة فنانة تاتو قبل ما تبدأ تؤسس ماركة المكياج الخاصة فيها
وهي من الماركات الحديثة بس نجحت نجاح كبير في فترة قصيرة
و كثير من منتجاتهم حصلت رفيوز عالية
و مؤخرا خلال 2015 دخلت الماركة أسواقنا الخليجية من خلال سيفورا
كانت لي كذا تجربة من منتجاتهم و بيكون لي حديث عن كل شي جربته منهم
الباليته اللي بنتكلم عنها فيها ست درجات ثلاثة للكونتور و ثلاثة للاضاءة و كلها الوان مطفية
ليش ثلاث درجات؟
عشان تناسب كل السحنات أو الاندرتون
(الدافية (المايلة للأصفر) و الباردة (المايلة للوردي) و النيوترال (المايلة للخوخي
بس ممكن نتلاعب بكل الدرجات مو لازم نتقيد بلون السحنة
مميزات العلبة
التنويع و احتوائها علي درجات مختلفة تناسب كل السحنات و بكمية وفيرة
فيها مراية كبيرة نوعا ما
البوردة مخملية و تظل ثابتة لساعات بدون ما يبهت لونها
و هذي أسماء الدرجات
:عيوب العلبة
التغليف كرتوني و رخيص ..يعني اذا طاحت تتكسر و يضيع كل شي
و هذا اللي صار معاي لأني طلبت العلبة أونلاين تكسرت في الشحن .. اخر بودرتين على اليسار اذا لاحظتوا انكسروا
سعر العلبة 46 دولار أمريكي
مثل ما قلت لكم أني طلبتها اونلاين
:أماكن تواجدها
موجودة في سيفورا
بس ما أعرف سعرها كم في المحلات لأن أسعار المنتجات أنلاين بالعادة أرخص من المحلات
رغم أن الباكجن ما عاجبني بس المنتج ممتاز و ليش لا بشتريها مرة ثانية و أتمنى يغيروا التغليف شوي و يخلوها عملية أكثر
أشوفكم الاسبوع القادم
مع تحياتي
صفاء
No comments:
Post a Comment