السلام عليكم
لاحظت أن أغلب مواضيعي عن كريمات الأساس!!
ترا أنا يهمني بالدرجة الأولى الفونديشن و شكله و بعدين الماسكرا هم أكثر منتجين أهتم بيهم و أجرب كثير أنواع
اليوم بنغير شوي
بنتكلم عن مزيل مكياج عيون
زمان زمان لما بديت أستخدم المكياج كان أول مزيل مكياج استخدمه من ديور
كان 3 في 1 ..مزيل مكياج الوجه و العيون و الشفايف
و كان قوامه ميلكي و ناعم بس ما يدهن و يزيل المكياج بمسحة وحدة مهما كان ثقيل
للأسف غيروا تعليبه و تركيبته و ما عاد مثل أول و بطلت اشتريه بعد ما جربت الجديد
و بدأت رحلة البحث عن مزيل مكياج مثالي
ما حصلت مزيل مكياج مثالي لكل شي
بس من تجاربي إلى الآن أفضل مزيل مكياج للعيون هو هذا من سيفورا
Instant Eye Makeup Remover
from Sephora
و في نوع ثاني للمكياج المضاد للماي
يكون طبقتين شفاف و أزرق
ما استخدم مكياج مضاد للماي فما أقدر أحكم عليه
مميزاته
العلبة كبيرة فيها 125 مل و ترا من زمان شاريتها و وايد استخدمها و شوفوا كم نقص منها
يمسح مكياج العيون من مسحة وحدة و بدون فرك
و عيوني من النوع الحساس و ما تحسست منه
و ما يترك أثر دهني
سعره اقتصادي
9.5$ في موقع سيفورا
عيوبه
ما لقيت فيه عيوب
أماكن تواجده
سيفورا
و هذي مكوناته للعلم
و بس أتمنى يكون موضوع خفيف عليكم
مع تحياتي
صفاء
No comments:
Post a Comment