مساء الخير عزيزاتي
بكلمكم اليوم عن ماسكرا من لانكوم اسمها
GRANIOSE
هالماسكرا حيرتني قبل ما اشتريها كثير من البلوغرز انتقدوها و كثيرين مدحوها
ترددت كثير قبل ما اشتريها و بعدين قررت أجربها..الحياة تجارب
الماسكرا مذكور عليها أنها تطول و تكثف و تقوس الرموش.. يعني تسوي كل شي تبينه من الماسكرا
هي تجي بلون واحد اللي هو الأسود
فرشاتها غريبة شوي جاية مقوسة عشان يعيك تحكم أسهل و يخليك توصلي لكل رمش
و شعريراتها قصيرة و مختلفة بالطول
و التغليف أنيق و مميز مثل ما أنتوا شايفين
رائي فيها:
الماسكرا تطول و تطول الرموش ..ما شفت ماسكرا طولت لي رموشي مثلها و تقوسها جميل و تظل الرموش مقوسة لساعات لحد ما أشيلها
بس ما حسيتها تكثف مو مثل
Eyes to Kill from Armani
تكلمت عن هالماسكرا هنا
ولا مثل ماسكرا
Better Than Sex from Too Faced
و تكلمت أيضا عنها هنا
بالاضافة أنها الباكجن مالها ضخم و تاخذ مكان كبير بالشنطة اذا كنت أبي أخذها معاي برا
هل راح أشتريها مرة ثانية؟
لا ما أعتقد لأنها أهم شي عندي بالماسكرا الكثافة و التقوس و هي ما تكثف كفاية
سعرها:
22.6 ريال عماني
أماكن توافرها:
أخذتها من محلات السلام فرع القرم
أشوفكم على خير
صفاء
No comments:
Post a Comment