مساء الخير يا صبايا
حديثنا اليوم عن باليته متكاملة لمكياج الوجه من ماركة
HOURGLASS
انتشرت هالماركة مؤخرا بسبب بودراتهم اللي تعتمد على تقنية انعكاس الضوء
و تبين شكلها طبيعي و مو طبقة مكياج
و خاصة في الصور شكلها جميل
أول تجربة لي من هالماركة كانت لهالباليته
اسمها
AMBIENT® LIGHTING PALETTE
ومثل ما هو واضح فيها ثلاث بودرات، التي تستخدم فوتولومينيسسينت و هي تقنية لتصفية الضوء القاسي وتحسين مظ
هر البشرة . كل وحدة من هذه البودرات ذات التكنولوجيا الفائقة تعيد تركيز مصدر الضوء بشكل رائع . يمكن تطبيقها بشكل فردي أو كطبقات لإضفاء توهج متعدد الأبعاد على البشرة
الدرجات تناسب كل ألوان البشرة حسب ما مكتوب على العلبة بس ما أدري أحسها فاتحة و ما بتناسب البشرة الداكنة..
ممكن تستخدم فترة الصبح و للمسا بعد
الدرجات اسمائها
Dim Light:
أول درجة من اليسار..لون محايد خوخي على بيج يموه عيوب البشرة و يضيء البشرة بلون متوازن بين الدرجات الدافئة و الباردة للسحنة
أنا أوزع هالبودرة بعد الفونديشن و الكونسييلر بخفة على الوجه بفرشاة البودرة لتثبيت الفونديشن
Incandescent Light:
بودرة لؤلؤية تستخدم للاضاءة
فيها لمعة و ذرات لمعة ناعمة ما تحسي بجليتر بالعكس تشوفي لمعة صحية و توهج..الدرجة هذي ما تنباع بروحها مثل الاثنين الثانيات.. هذي موجودة فقط في هالباليته
تستخدم كاضاءة فوق عظمة الخد و تحت الحاجب و في منتصف جفن العين و جسر الأنف و فوق الشفة العلوية
Radiant Light:
هذي برونزر يعطي لمعة البرونز اللي يجي من الشمس
sun-kissed golden
و اللي يبرز البشرة بدفء اللون و يبرز ملامح الوجه
ممكن يستخدم ككونتور لنحت الخد و الجبين و جوانب الأنف بس أنا استخدمه كبرونزر
المنتج خالي من:
الباربين (Parabens)
العطور
بودرة التلك
نانوبارتيكل
الجلوتين
غير مجرب على الحيوانات
رأئي فيها
بصراحة من يوم ما جربتها صرت ما استغنى عنها.. باليته متكاملة .. بودرة تثبيت و اضاءة و برونز..
و اللوك على الطبيعة أكثر من رائع و في الصور البشرة تطلع
flawless & perfect
حبيتها من قلبي و بتكون لي تجارب مع منتجات ثانية من هالماركة
الباكجنج جميل و راقي بس العلبة من برا مثل المواية على طول تتوسخ باللمس
الحجم مناسب حتى أن الواحد ياخذها في الشنطة للتعديلات و للسفر
أماكن توفرها:
ما موجودة هالماركة للأسف في محلاتنا في الخليج
ممكن تلقونها عند التاجرات
أنا طلبتها أونلاين من أمازون
www.amazon.com
وسعرها بدون شحن 60 دولار
تصبحوا على خير
صفاء
No comments:
Post a Comment