مساء النعومة
بنتكلم عن موضوع خفيف و سريع
منتج سريع و فعال للبشرة اللي محتاجة ترطيب بشكل سريع
نصحتني فيه الثيرابيست لما كنت أسوي فيشل معاها
عبارة عن انبولات للترطيب
لأني بذيك الفترة بشرتي كانت محتاجة ترطيب عميق
من ماركة
Babor
خذيت منهم هالعلبة و فيها 8 أنبولات
كل أنبولة فيها 2 مل من مصل
(SERUM)
هالنوع اللي عندي مخصص للبشرة الجافة
المفروض يستخدم خلال أسبوع واحد كل يوم
في المساء للروتين الليلي
يرطب و بزيد من توهج و رونق البشرة
بس لما استخدمته لثلاث أيام متواصلة تحسست بشرتي ..فصرت استخدمه يوم أي و يوم لا
طريقة استخدامه
مثل ما خبرتكم يستخدم للروتين المسائي بعد ما تغسل البشرة بالغسول و تنشف
ممكن تستخدمي التونر اذا تحبي
و بعدها هالسيروم و لما ينشف حطي الكريم الليلي
عشان تستخدمين المصل: اكسري الزجاجة من فوق عند الخط الأحمر
ما يبيلها قوة ..تنكسر بسهولة حطي جزء من المصل على ايديك و دفيه بايدك و وزعيه على وجهك و عنقك و أعلى الصدر بالطبطبة و الضغط برفق على البشرة
و بعدين خذي جزء ثاني و نفس الشي كملي توزيع لحد ما يخلص المصل في الزجاجة
النتيجة:
بصراحة بالفعل حسيت بشرتي مشدودة و مترطبة و فيها لمعة صحية بعد ما خلصت الأنبولات ..أصلا تحسي بالتغيير من أول أنبولة
أماكن تواجده و سعره
سعره مثل ما أنتوا شايفين ب 19 ريال عماني و خذيته من بليس سبا
Bliss Spa
في مبنى حدائق القرم
مع تحياتي
صفاء
No comments:
Post a Comment