صباح الخير
بخبركم اليوم عن واحد من أجمل البي بي كريم اللي جربتهم
من ماركة
Benefit
و اسمه
Big Easy
الموقع يصنفه ك بي بي كريم بس أنا أحسه سي سي كريم
أو كيف ما كاتبين عليه
Bigger than BB
أكبر من بي بي
للتوضيح البي بي كريم هو اختصار ل
Blemish Balm
مرطب للعيوب
هو مرطب ملون و في مكونات مضادة للشيخوخة بالاضافة لوجود واقي شمس عالي فيه
يعني استخدام منتج واحد يغنيك عن كل شي ثاني خاصة لفترة الصباح بس بالعادة البي بي كريم يجي بدرجة أو درجتين القليل من الماركات توفر درجات أكثر
في حين السي سي كريم هو
color control or color correct
مصحح لون
هو النسخة المعدلة من البي بي يعني يسوي كل شي يسويه البي بي بالاضافة لكونه يصحح و يغطي عيوب البشرة من حبوب و احمرار و شحوب و غيره
نجي لمنتجنا هذا
يرطب و يتحكم في الدهون و الجميل فيه أنه بعد ما ينحط يتحول من سائل إلى بودرة يعني ما تحتاجي بودرة للتثبيت خاصة لأصحاب البشرة المختلطة و الدهنية و يعطي بشرة مخملية ..اللوك اللي أحبه
ما تحسي أبدا بوجوده ..خفيف على البشرة و طبيعي و تغطيته من خفيف لوسط و يغطي العيوب
هذا كله مذكور على المنتج .. شفتوا أخر شي ايش مذكور؟
يغطي العيوب من كذي قلت أنه تغطيته و مميزاته أقرب للسي سي كريم
يجي بست درجات
الموقع يعطي وصف وافي لدرجات المنتج
لأني طلبته أونلاين فكنت أشوف وصف الدرجة و كان دقيق و توفقت بالدرجة
واقي الشمس فيه
SPF 35
ما وايد كبير مثل بعض البي بي كريم اللي ممكن توصل ل 50
المنتج حبيته رائع بمعنى الكلمة و ما يتأكسد و لا يدهن..
مشكلته بس أن الواقي صغير فأصطر بعد ثلاث ساعات أرجع آحطه مرة ثانية
طلبته من الأمازون
ب 50 دولار
و هذا كل شي لليوم
أشوفكم على خير
صفاء
No comments:
Post a Comment