مساء الخير و السرور
اليوم بنتكلم عن ماسكرتين للحواجب و نقارن بينهم
الأولى من
Benefit
Gimme Brow Eyebrow Gel
والثانية من
Tarte
colored clay tinted brow gel
ماسكرات الحواجب ما ترسم الحواجب ترتب الحواجب و تلونهم و تغطي الفراغات الصغيرة
اذا تبين ترسمينهم أو تغطين فراغات كبيرة ما ينفعوج هذول شوفي منتجات ثانية جل أو قلم أو بودرة
نبدأ أول شي بماسكرة بينفت:
تجي بلونين فقط فاتح للشقراوات و اللي لون شعرهم فاتح و الثاني غامق
المنتج مضاد للماي
يعطي شكل طبيعي للحواجب
الفرشاة صغيرة و كثيفة
سعرها اقتصادي
حاصل على هالجوائز:
- Total Beauty Editor’s Choice Award Winner for Best Brow Color, 2014
- Good Housekeeping's Beauty All-Star Awards, 2014
- Star Beauty Awards for Best Brow Definer, 2014
- Shape Beauty Awards for Best Brow Enhancer, 2014
عيوبها:
الفرشاة غير دقيقة للمناطق الصغيرة
درجاتها محدودة جدا فقط درجتين
خذيتها أونلاين من أمازون ب16.9 vmghn
نجي للي من تارت:
شايفين الفرشاة كيف صفيرة و دقيقة تعطيج دقة كبيرة و أنت تعدلين حواجبك
تجي بخمس درجات
ثابتة ل12 ساعة
مضادة للماي
نفس الشي تعطي شكل طبيعي للحواجب
ممكن تستخدم هالماسكارات كخطوة ثانية للحواجب اذا الجل أو البودرة أو القلم غامق ممكن تفتحيه بالماسكرا و بنفس الوقت تثبتين الحواجب بيها
ما لقيت عيوب لهالماسكرا بصرحة
اشتريتها أونلاين من أمازون ب 32.2 دولار
بينهم طبعا حبيت مل تارت أكثر وهذي العلبة الثانية لي
مع تحياتي
صفاء
No comments:
Post a Comment