مساء الخيرات
اليوم عيد منزلة لكم موضوعين...هههههه
الموضوع ضغنن و كيوت عن فونديشن
أدري غثيتكم بكثرة الفونديشنات.. بس خبرتكم قبل أن عشقي الفونديشن و الماسكرا و أكثر شيئين أحب أجرب فيهم..
هالفونديشن يناسب أصحاب البشرة الجافة و المختلطة و مناسب جدا للتصوير
اسم الفونديشن
SILK CRÈME MOISTURIZING
PHOTO EDITION FOUNDATION
Laura Mercier
ديروا بالكم في واحد ثاني عندهم نفس الشكل بالضبط بس بدل مويسترايزر مكتوب عليه
oil free
و هذا لأصحاب البشرة الدهنية
فترة الشتا بشرتي تقلب من مختلطة دهنية الى مختلطة جافة
و أحتاج فونديشن نسبة الترطيب فيه عالية
هذا عجيب عجيب
مكتوب عليه ثابت ل 12 ساعة و تغطيته عالية و خفيف بدون ما يسكر المسام و بنفس الوقت شكله رائع و بدون عيوب في الصور الفوتوغرافية و مخملي و طبيعي ..
بالنسبة لي ترطيبه عالي بس ثباته مو أكثر من 8 ساعات بدون يحتاج تعديل و التغطية وسط لعالي حسب الكمية اللي تحطيها و بالفعل شكله مخملي بالصور
يجي ب 12 درجة
الدرجة اللي عندي هي
Bamboo Beige
نفس لوني و سحنتي بالضبط
طريقة الاستخدام
لازم ينخض عدل عدل و ينحط على ظهر اليد و يتوزع بالفرشاة أو الاسفنجة كيف ما تحبوا
أنا استخدمه مع هالفرشاة من
Tarte
و بعدها أطبطب عليه بالبيوتي بلندر الرطب
و بعدها أمرر عليه بالفرشاة البودرة الشفافة مل لورا ميرسيه العجيبة للتثبيت
طلبته أونلاين بس عذروني ما أذكر من أي موقع أتوقع من سيفورا
سعره بموقعهم و على موقع سيفورا 48 دولار
أشوفكم على خير
صفاء
No comments:
Post a Comment