ٍReview on Artis Brushes

مساء الخير

اليوم نتكلم عن فرش استخدامها غير مكياجي ما راح أبالغ و أقول 180 درجة بس  بقول أنه ب 100 درجة

هالفرش نتيجتها على الوجه عجيبة و تعطي لوك متجانس و نضر و طبيعي و بشرة مخملية<<< وجه بقلوب

هالفرش من ماركة

Artis Brushes

مصمم هالفرش صمم فرشاتين لماك و نجحوا نجاح ساحق و قرر يبتكر فرشه الخاصة

بعد ما قريت و بحثت لرفيوز كثيرة قررت أطلب لي ثلاث فرش

التغليف كان مرتب و فخم

شوفوا العلب بس

و من داخل

في أكثر من كولكشن للفرش.. اللي عندي باللون الغامق اسمها 

smoky (الدخاني)

في بالفضي وفي مجموعة بالأسود و شكلها شوفي مختلف و الأخيرة باللون الذهبي

الأسعار متقاربة لنفس الفرشاة بكل كولكشن

و هذي أسماء اللي عندي

من اليمين لليسار

oval 4

oval 6

oval 8

كل فرشاة لوظيفة معينة حسب حجمها و ممكن لأكثر من وظيفة حسب شطارتك

oval 4:أصغر فرشاة فيهم

استخدمها لتوزيع و دمج الكونسيلر و أيضا للإضاءة على عظمة الخد

الفرشاة اللي بالنص :oval 6

استخدمها للبرونزر و الكونتور و البلاشر و ممكن تستخدم للإضاءة على المناطق الأكبر من الوجه و ممكن لتوزيع الفونديشن

الفرشاة الكبيرة:oval 8

أنا استخدمها لتوزيع الفونديشن و البودرة الحرة و المضغوطة

كل الفرش تنفع للمنتجات السائلة و الكريمية و البودرة

ما شفت نتيجة مختلفة و غيرت مكياجي بشكل جذري مثل لما استخدمت هالفرش و قبلها البيوتي بلندر

بحط فيديو لكيفية استخدام الفرش المختلفة و طرق توزيعها

طريقة تنظيفها:

تنظيفها مختلف عن فرش المكياج الثانية ..لأنها ممكن تخترب اذا انغسلت بالماي و منظفات الفرش و الشامبو

هذي معدات تنظيفها من نفس الماركة

اذا الفرشاة استخدمت مع منتجات بودرة ممكن تمسحي الفرشاة على الفوطة على طول و تنظف

أما اذا الفرشاة مستخدمة مع منتجات كريمية ..ترشي كمية صغيرة على سطح الفوطة و تمسحي الفرشاة عليها و تنظف و تعقم الفرشاة بنفس الوقت.. الفوطة تستبدل بين فترة و ثانية

وهذا فيديو يوضح العملية

في مجموعة كبيرة من الفرش غير هالثلاثة اللي عندي ممكن تشترونهم منفصلين و ممكن كمجموعة

بس لأن سعرهم غالي قلت بشتري الفرش البست سيلر و أجرب و بصراحة يستاهلوا هالمبلغ ..

اشتريت هالفرش من موقعهم

www.artisbrush.com

أسعارهم كالآتي:

45 دولار: Oval 4

55 دولار:Oval 6

65 دولار :Oval 8

طبعا الأسعار بدون شحن

و متوفرين بعد على موقع

www.net-a-porter.com

في ماركات كثيرة طلعت تقليد لهالفرش ..أنا ما جربتها فما أقدر أحكم على جودتها

و هذي حتوتتنا لليوم

تصبحوا على خير 

صفاء