مساء الخير و مبارك عليكم الشهر الكريم و ربي يتقبل منا و منكم طاعاتنا..
اليوم بنتكلم عن منتجين للحواجب .. ترا أكثر أشياء تجذبني في المكياج الحواجب و الرموش و الفونديشن..
المنتجين من نفس الماركة
Anastasia Beverly Hills
مبدعين في مكياجهم في باليتات الكونتور.. الارواج و منتجات الحواجب كلها روعة..
المنتج الأول هو
Brow Wiz
المنتج حائز على جوائز .. يجي ب 9 درجات
من مميزاته:
يعطي شكل طبيعي يشبه شكل شعر الحواجب*
القلم رفيع وايد بحيث يسمح لك تغطي كل الفراغات الصغيرة*
ثباته كبير*
يرسم بسهولة*
ما يسيح بسبب الحر و الرطوبة
!!شوفوا شكل القلم كيف نحيف
أنا استخدم الدرجة
Soft brown
أنسب شي للون حواجبي
أنصحكم تاخذوا لون نفس شعر الحواجب أو أفتح لأن بيبين لوك حاد إذا خذيتوا غامق
الجهة الثانية من القلم فيها فرشاة تمشيط الحواجب
هالقلم صدر قبل ال برو دفينر..وايد حبيته
اعتراضي الوحيد عليه كان أنه السنة وايد صغيرة فياخذ مني وقت طويل لحد ما أعدل الحواجب
نجي للمنتج الثاني اللي هو
Brow definer
هذا الاصدار الثاني لقلم الحواجب من نفس الماركة
بس القلم الأول موجود ما وقفوا اصداره
هذول القلمين جنب بعض
مثل ما شايفين ال
brow wiz
انحف و أطول من الثاني
الثاني يختلف أيضا بشكل السنة
جاي مثلث طرف رفيع و طرف سميك
:مميزاته
التركيبة ماله أنعم و أكثر سهولة في الرسم و التوزيع من القلم الأول*
في عشر درجات*
بسبب شكل السنة ماله ممكن ترسم الحواجب بثلاث طرق بالطرف النحيف للمناطق الصغيرة و السميك للمناطق الأكبر و ممكن على الجانب عشان ينرسم الحاجب ككل
في نفس الشي فرشاة لتعديل الحواجب في الطرف الثاني
و هذا شكل الفراشتين جنب بعض
و هاي شكل السنتين جنب بعض
اللي يعيب الديفينر
أن بعد فترة الطرف المدبب ما يعود مدبب ..شي طبيعي من الاستخدام
أنا أفضل الثاني كتركيبة و سهولة في الرسم
بسبب لأنه يفقد حدته بعد فترة أحب استخدم الأول للمناطق الصغيرة
في النهاية كل ما خلص واحد منهم أرجع اشتريه
متوفرين في سيفورا
بس لأن سيفورا ما موجود عندنا أطلبهم أونلايين
متوفرين على موقعهم و يشحنونه لكل مكان
Brow wiz $21
Brow definer $23
وهذا كل شي لليوم
تحياتي
صفاء
No comments:
Post a Comment