مساء الورد
بخبركم اليوم عن فونديشن و كونسيلر من ماركة محببة إلى قلبي
Tarte
هالاثنين يعتبروا من مجموعة محدودة الاصدار اسمها
Rainforest of the sea - الغابة المطيرة للبحر
الفاونديشن اسمه
water foundation
فونديشن مائي
مميزاته
المنتج مكتوب عليه أنه تغطيته عالية*
بس أنا أشوفه وسط
فيه واقي شمس SPF 15*
ثباته عالي يستمر ل 12 ساعة*
20٪ منه عبارة عن ماي بالتالي ترطيبه عالي و يناسب كثير أصحاب البشرة الجافة و المختلطة*
مضاد للأكسدة*
يعتبر علاجي لأن يقاوم علامات الشيخوخة و على مدى طويل يرطب البشرة و يعطيها نضارة*
استخدمته بالصيف و بالشتا في الفترة اللي بشرتي تميل للجفاف و بالفترة اللي تميل لأنها تكون دهنية و بالحالتين الفونديشن يجنن و يعطي لوك ديوي و طبيعي و ثابت بدون ما يخطط أو يتحرك من مكانه
فيه 12 درجة
من الفاتح للغامق و كل درجة بأكثر من اندرتون
فيه قطار عشان تتحكمي بالكمية اللي تبينها
أنا كنت أفضل لو كان سبراي عشان ما يتعرض للهوا و يتأكسد بسرعة
أنا أحب استخدم فرشاة
Oval 8 from Artis brushes
عشان أوزع هالفونديشن
أتعب و أنا أقول أن هالفرش عجيبة عجيبة
الشي المؤسف أن هالفونديشن اصدار محدود يعني ما راح يرجعوا ينتجوه بعد ما يخلص...
طلبته أونلاين من أمازون ب 50 دولار بدون شحن
مع أنه متوفر على موقعهم ب 28 دولار بس ما يشحنون لعندنا للأسف
الدرجة اللي تناسبني من هالأساس
نجي الحين نتكلم عن الكونسيلر
من نفس المجموعة مل الغابة المطيرة و نفس الشي اصدار محدود
اسمه
Aquacealear Concealer
:من مميزاته
ثابت ل 12 ساعة
خفيف على البشرة و ما يعطي مظهر كيكي بالعكس شكله طبيعي*
مثل الفونديشن مكون ٪20 من الماي فترطيبه عالي*
تغطيته متوسطة*
نوعه سيروم كونسيلر فيعبي الخطوط الدقيقة و يخفيها*
يعتبر منتج علاجي فيعالج الخطوط السودة و يقاوم علامات الشيخوخة*
في منه 6 درجات*
هذا شكل الفرشاة ماله
هذي الدرجة اللي عندي
الشي الوحيد المؤسف فيهم أنهم اصدارات محدودة..
بالنسبة للجانب العلاجي ما شفت هالتأثير لأني ما استخدمهم متواصل لفترة طويلة
الكونسيلر أيضا طلبته أونلاين من أمازون ب 39 دولار
و نفس الشي على موقهم متوفر ب 26 دولار..
و هذا كل شي لليوم
تصبحوا على خير
صفاء
