المكياج مهما بلغت دقته و براعة اللي تسويه و جودة أدواتها في عوامل ممكن تأثر على الفينيشج ماله و أهم هالعوامل البشرة
صحة و جمال البشرة ضروري لنجاح المكياج طبعا في مكياج تغطيته كبيرة يغطي حتى الحفر و الحروق و كل البلاوي اللي بالوجه بس ما نقدر نستخدم هالمكياج كل يوم و في أمور و عادات نمارسها تأثر في رونق و صحة البشرة
و أهم هالعوامل اللي تدل على صحة البشرة الترطيب و تأخر التجاعيد و صفائها و أخيرا النضارة
أغلب هالعوامل تجي من التغذية الصحية و النوم لساعات كافية و كثرة شرب الماي و أكيد استخدام مستحضرات العناية المناسبة للبشرة
بالفترة الأخيرة لاحظت أن بشرتي تنقصها النضارة و الترطيب حتي الفونديشن كان بعد فترة يتقشر حوالين الفم و منتصف الجبين مع أن أكلي صحي و أنام كفاية بس أهمل بشرب الماي و لما رحت أسوي فيشل في سبا أوباجي
OBAJI
قالوا لي نفس الكلام بشرتك ينقصها الترطيب بسبب نقص الماي
صرت أكثر من شرب الماي و بالإضافة لذلك غيرت مستحضرات العناية عندي لماركة
SK II
ماركة يابانية مشهورة و البلوغرز الأجانب كثير يمدحوها فقلت أجربها
تاريخها:
هالماركة بدأت من 1970 لما العلماء لاحظوا ايادي العمال اللي يشتغلوا في صناعة الساكي
Sake
و هي المشروب الكحولي في اليابان و اللي يصنع من الأرز
كان واضح أن هالأيدي نضرة و ناعمة و شابة بعكس وجوههم اللي باين عليها علامات التقدم في السن
و بدأوا في البحث في أجزاء الخميرة اللي كانت تجي على ايدي هالعمال أثناء عملية التخمير
و اكتشفوا السر اللي يكمن في مادة البيتيرا
Pietra
هالمادة عبارة عن فيتامينات و معادن و أحماض أمينية وأحماض عضوية اللي تعمل معا على المحافظة على شباب و رونق البشرة
هالماركة مستحيل يبيعوا لك شي قبل ما يسوا لك فحص لبشرتك بجهاز خاص فيهم و يقدروا يشوفوا مشاكل بشرتك حتى و أنت مسوية مكياج و حتى لو هالمشاكل ما ظاهرة على سطح البشرة و يعطوك عمر البشرة مقارنة بعمرك
و يشوفوا مشاكل بشرتك من خمس زوايا النضارة و شباب البشرة و التصبغات و الملمس و التجاعيد
و يوصفوا لك المنتجات المناسبة لمشاكل بشرتك
هالفيديو دعائي للماركة بس يوضح الفحص كيف يتم و كيف يبين مشاكل البشرة
طبعا بعد ما تحمست و قريت عن الماركة و في أحد رحلاتي لدبي سويت الفحص في باريس غالري فرع دبي مول طبعا أنا أعرف أن بشرتي بالفترة الأخيرة ينقصها ترطيب و هالشي كان واضح في نتيجة الفحص و عندي بعض النمش من تغير الهرمونات أثناء فترة الحمل بس ما كنت أعرف أن تحت بشرتي في تصبغات أكبر و ممكن تظهر في المستقبل اذا ما اهتميت فيها و أيضا بعض الخطوط الدقيقة تحت الجلد
و سالتني ايش المنتجات اللي استخدمها و قالت لي بغير لك المرطب اليومي اللي يستخدم كمرطب ليل و نهار و سيروم و مرطب للعين و أخر شي غسول زيتي و أيضا كعينات عطتني ايسنس للترطيب
هذول هما كلهم و نجي للتفاصيل
أول شي الغسول الزيتي
Facial Treatment Cleansing Oil
هو مزيل لمكياج الوجه و العيون و بنفس الوقت غسول
فعال في ازالة المكياج بدون ما يجفف البشرة
بس قالت لي ما استخدمه الصبح .. استخدم غسولي العادي و هذا استخدمه للمسا فقط
مع أنه زيتي بس بعد ما ينشطف بالماي ما تحسي بملمس الزيت و بالعكس تحسي بشرتك نظيفة و منتعشة و مترطبة
قبل فترة استخدمت منتج شبيه بيه من شواوميرا
و حبيته نفس الشي ..الظاهر بشرتي تحب هالنوع من الغسولات.. خخخخ
طريقته: تضخي منه ضغطتين على راحة ايدك و هي ناشفة و تمسجي بيها وجهك و هو ناشف و بعدين تبللي ايدك و ترجعي تمسجي وجهك بتتكون رغوة و بعدين اشطفي بماي دافي
هل برجع اشتري؟ ايوا ليش لا.
سعره: 230 درهم اماراتي
المنتج الثاني أو الخطوة الثانية بعد ما تتنظف البشرة ينحط من هالايسنس
Facial Treatment Essence
هذا عاد محبوب الجماهير ماخذ جوائز و هو من البست سيلرز عندهم
ما أدري ليش وقتها ما أخذته
و عطوني منه عينة كبيرة نوعا ما كفتني حق شهر تقريبا
هالسائل يحتوي على ٪90 من البيتيرا
يعني يعالج كل مشاكل البشرة الخمسة التصبغات و النضارة و الترطيب و التجاعيد و يشد البشرة
حبيته موت لما استخدمته و افتقدته لما خلص ..
و أحس فقدانه بين أثره على بشرتي
طريقته: تحطي قطرات منه على ايدك و تدفينه بفرك ايدينك ببعضهم و تطبطبي بيها على وجهك و عنقك و محيط العين
وأعلى الصدر..طبطبة مو مسح هذا مو تونر
هل بشتريه؟ أي نعم بشترس منه غرشتين عشان ما اتحسف اذا خلص
سعره ما أدري كم بالدرهم بس اونلاين من 99 إلى 290 دولار حسب حجمه
المنتج الثالث هو المصل أو السيروم
LXP Ultimate Revival Serum
المصل المفروض خلال ثلاث أيام يزيد من ترطيب البشرة و نضارتها و شدها
الصراحة ما شفت هالشي أو يمكن صار بس ما شفت نتيجة كبيرة لأني استخدمه من ثلاث شهور و ما شفت تحسن لا في النضارة و لا الترطيب
طريقة استخدامه: تبخين بختين على ايدك و تركينه بايدينك شوي و تطبطبين بيه بشرتك و رقبتك .. مهم جدا أنك تطبطبين مو مسح
هل بشتريه مرة ثانية؟ لا طبعا ما استفدت منه
سعره: 1360 درهم اماراتي
المنتج الرابع هو كريم مرطب للوجه.. ممكن يمكن نهاري و ليلي بعد
اسمه
Essential Power
كريم مغذي و مقاوم لعلامات الشيخوخة و يساعد على ترطيب البشرة و يمنع التجاعيد و يشد البشرة
المفروض خلال اسبوعين من استخدامه تشوفي الفرق
الكريم ما دبق وما يترك أثر دهني و البشرة تتشربه بسرعة
بعد استخدامه لثلاث أشهر ما حسيت أن ترطيبه كبير و لا حسيت بأن بشرتي مشدودة
يمكن لأن في فترة الشتاء بشرتي تقلب من مختلطة/دهنية الى مختلطة/جافة
استخدامه: مرتين في اليوم بعد تغسلين بشرتك و تحطين الايسنس
هل بشتريه مرة ثانية؟ لا ما شفت استفادة كبيرة على سعره الكبير
سعره: 615 درهم اماراتي
المنتج الأخير هو مرطب العيون
Essential Power Eye Cream
نفس مميزات كريم الوجه كريم غير دبق و تتشربه البشرة بسرعة و في عوامل تقاوم علامات الشيخوخة و تشد البشرة و ترطب و تعطي نضارة
و نفس الشي النتايج تبين بعد اسبوعين من استخدامه
و بالفعل بعد استخدامه أحس المنطقة تحت العين مترطبة و مشدودة و ناعمة حتى الهالات خف لونهم بس ما اختفوا
طريقة الاستخدام:
يستخدم مرتين باليوم على بشرة نظيفة و تاخذي نقاط و توزعيها حوالين العين مثل الصورة
بالطبطبة على محيط العين باصبع الخنصر
و بعدين شوي شوي بحركة دائرية مثل الصورة بالخنصر نفس الشي عشان تنشط الدورة الدموية بالمنطقة
هل برجع اشتريه؟ أكيد برجع لأنه روعة من ناحية الترطيب و غير دبق و شد بشرتي
سعره:430 درهم اماراتي
و هذا هو الموضوع .. ان شاء الله تستفيدوا من تجربتي
